काठमाडौँ। गीतकार हरिहर खनियाको ‘म हराएको छै’ बोलको गीतको म्युजिक भिडियो सार्वजनिक गरिएको छ । सार्वजनिक गीतमा शब्द र सङ्गीत दुवै खनियाको रहेको छ । सन्तोष रुचालको स्वर रहेको गीतको म्युजिक भिडियोमा भूपेन्द्र ढकाल र सरिता दानकुटीको अभिनय रहेको छ ।
माओवादी जनयुद्धमा लागेकी महिलासँग नायकले बिहे गरेपछि उसले भोग्नुपरेको पीडा र विछोडको कथा भिडियोमा देखाउन खोजिएको छ । २० वर्षअघिको युद्धको पीडापछि पनि आफू नहराएको, बरु सहरको साँघुरो गल्लीको अग्लो घरको अँध्यारो कोठामा जीवन बिताइरहेको सूचना दिनका लागि गीतको सहारा लिइएको कथा म्युजिक भिडियोले प्रस्तुत गरेको छ ।
