काठमाडौं । लक्ष्मण सुनार निर्देशित चलचित्र ‘बुलाकी’को फर्स्टलुक पोस्टर सार्वजनिक गरिएको छ । पोस्टर अन्तराष्ट्रिय नारी दिवसको अबसर पारेर सार्वजनिक गरिएको हो ।
पोस्टरमा अभिनेत्री सुरक्षा पन्तलाई मात्र प्रस्तुत गरिएको छ । कर्णाली भेगको जनजीवन, रितिथिति तथा संस्कृति समेटिएको चलचित्रलाई टोपेन्द्र बिष्टले निर्माण गरेका हुन् । स्व. मोति बिष्टको प्रस्तुति रहेको चलचित्र डोल्पा, जाजरकोट र रुकुमका बिभिन्न स्थानमा छायांकन गरिएको छ ।
चलचित्रमा सुरक्षाका अलवा नरेन खड्का, डेव्यु अभिनेता बिराज बिष्ट र प्रकाश कँडेल, रमेश बुढाथोकी, सुशील पोखरेल, लक्ष्मी गिरी, कुलदीप अधिकारी, झलनाथ खत्री, सरस्वती खत्री, उपासना वाइवा, सोनु सेढाइ, धनबहादुर राई, लक्ष्मण देवकोटा, वसन्त परियारले अभिनय गरेका छन । छत्रेश्वरी म्यानेज्मेन्ट प्रालिको ब्यानरमा सौगात कँडेल सहनिर्माता रहेको ‘बुलाकी’ शिब ढकालले खिचेका हुन् ।
