(सेलिब्रेटी नेपाल) २५ जेठ-मेरो एउटा साथी छ, ‘के यो माया हो तथा धन्दा निर्देशन गरि सकेका सुदर्शन थापाले मेरो एउटा साथी छ बाट जति चर्चा पाएका थिए त्यति चर्चा पछिल्ला दुइ चलचित्र बाट पाउन सकेनन। फ्राईडे फिल्सको व्यानरमा बाबुराम दाहाल र निर्देशक थापाको संयुक्त लगानीमा नयाँ चलचित्र ‘मधुमाश’को काठमाडौँमा एक कार्यक्रम गरि घोषणा भएको छ। रोमान्टिक लभ स्टोरी कथामा बन्न लागेको चलचित्रको सुटिङ यहि जेठ महिनाको अन्त्यबाट शुरू गर्ने बताईएको छ । चलचित्रमा सुरेश अधिकारीको संगीत, दीपक बज्राचार्यको छायाँकन र हिमाल केसीको द्धन्दनिर्देशन रहनेछ।
‘मधुमाश’मा आर्यन सिग्देल र पुजा शर्माको जोडी देख्न पाइने छ। धन्दामा आर्यनको अभिनय नदेख्दा सुदर्शन र आर्यनको सम्बन्धका बारेमा नै धेरै चर्चा सुन्नमा आयो। कार्यक्रममा बोल्दै नायक आर्यन सिग्देलले टेलीचलचित्रमा काम गर्दा देखिको सुदर्शन सँगको मित्रता गाढा रहेको र आफु हरु सँधै सँगै रहेको बताए। चलचित्रमा आर्यन र पुजाका अलावा मनोज आरसी र सिवांगिनी राणाको पनि अभिनय हेर्न पाइने छ।
