सानुको ‘माया गर्ने मान्छे’ (भिडियो)


काठमाडौं । विगत दुई वर्षदेखि फेसबुक पेजमा ‘स्पन्दन’ नामक साहित्यिक कार्यक्रम चलाउँदै दर्शक तथा श्रोताको माया पाइ रहेकी गायिका सानु महराको स्वरमा ‘माया गर्ने मान्छे’ बोलको नयाँ गीत सार्वजनिक गरिएको छ । डिएआर मुभिज नामक युट्युव मार्फत उक्त गीतको भिडियो सार्वजनिक गरिएको हो ।

गीतमा तुलसी बाँस्कोटाको शब्द तथा सनम पुरुष राईको संगीत रहेको छ भने रोशन वान्तवाले संगीत संयोजन गरेका छन् । उक्त गीतको भिडियोमा कमला नेपाली, अंकीता डाँगी, रमेश बन गोसाईं, वर्षा श्रेष्ठ र कमल विष्टको अभिनय रहेको छ । नेत्र विष्टको छायाँकन र आयुष वि.सी.को निर्देशन रहेको भिडियोको रंग संयोजन कृष्ण गौतमले गरेका छन् ।

विगत लामो समयदेखि नेपाली गीत–संगीतको क्षेत्रको अध्ययन गरिरहेकी सानुले अब भने यसै क्षेत्रमा सक्रियताका साथ संलग्न हुने बताएकी छिन् । चाँडै नै रामचन्द्र काफ्लेको साथमा उछिट्याउने दाउ बोलको युगल गीत ल्याउने तयारी समेत गरिरहेकी उनले आफ्ना शुभ चिन्तकहरुले दिएको सल्लाह तथा सुझाव अनुसार आफू अगाडि बढ्ने बताईन् ।