काठमाडौं । अभिनेत्री नीता ढुंगानाले नयाँ चलचित्रमा अभिनय गर्ने भएकी छन् । उनी स्वयंमले यो कुराको जानकारी दिएकी हुन् । उनले रवि अर्यालको निर्देशनमा बन्न लागेको चलचित्रमा अभिनय गर्न लागेको जानकारी दिएकी हुन् ।
अभिनेत्री नीताले आफू मनछुने कथामा अभिनय गर्न गइरहेको बताएकी छन् । उनले फेसबुकमा निर्देशक अर्यालसँगको तस्वीर पोष्ट गर्दै लेखेकी छिन् ‘मनछुने कथामा अभिनय गर्न गइरहेकी छु । मन खुसी भएको छ र मलाई विश्वास गरेर जुन चरित्र दिनुभएको छ । यसमा मैले न्याय गर्ने कोशिश गर्नेछु ।’
उनले चलचित्रको नामसँगै अन्य कुराहरु भने खुलाएकी छैनिन् । निर्देशक अर्यालका अनुसार चलचित्रको नाम फाइनल भईसकेको छैन् । चलचित्रको नाम दर्तासँगै कलाकारहरु तय हुन बाँकी नै रहेको निर्देशक अर्यालले बताए । अहिलेसम्म नीतालाई मात्र फाइनल गरेको बताउँदै उनले केही दिनमा प्रेसमिट गरेर सम्पूर्ण जानकारी दिईने प्रतिक्रिया दिए ।
