काठमाडौं, मंसिर १९ । राष्ट्रिय प्रजातन्त्र पार्टी (राप्रपा)को महिला महामन्त्री पदमा नायिका रेखा थापा पराजित भएकी छन् । उनी कुन्तीकुमारी शाहीसँगको प्रतिस्पर्धामा पराजित भएकी हुन् ।
शनिबार भएको मतदानको आईतबार बिहान सार्वजनिक मतपरिणामअनुसार कमल थापा समूहकी शाहीले २ हजार ८ मत ल्याएर विजयी हुँदा राजेन्द्र लिङदेल समूहकी थापाले १ हजार ६ सय ४० मत पाएकी छन् ।
राप्रपाको अध्यक्षमा राजेन्द्र लिङ्देन विजयी भएका छन् । कमल थापालाई २ सय मत अन्तरले हराउँदै लिङ्देन राप्रपाको अध्यक्षमा विजयी भएका हुन् ।
अध्यक्षमा कमल थापा पराजित भएपनि पदाधिकारीमा भने थापापक्षका अधिकांश उम्मेदवार विजयी भएका छन् ।
