हलमा ‘छक्का पन्जा ४’को ट्रेलर, चलचित्र कहिले हेर्न पाइने ?



काठमाडौं । कोभिड १९ कोरोना महामारी र लक डाउनका कारण बन्द भएका हल खुलेका छन्। बलिउड चलचित्र ‘सूर्यवंशी’ रिलिज भएसँगै हलमा दर्शकको चाप उच्च देखिएको छ । प्रदर्शनको पहिलो र दोश्रो दिन दर्शकको उपस्थितिले हल व्यवसायी तथा चलचित्रकर्मीमा खुसीको माहोल छाएको छ।

निर्माण भएर प्रदर्शनको लागि तयार भएका दर्जनौं चलचित्रका निर्माता चलचित्र कहिले प्रदर्शन गर्ने अन्योलमा छन् । तर, छायांकन नै सुरु नगरिएको चलचित्र ‘छक्का पञ्जा ४’को ट्रेलर भने गत शुक्रबारबाट हलमा बज्न थालेको छ ।

चलचित्रको ट्रेलरमा दीपकराज गिरी, केदार घिमिरे,बुद्दि तामाङ र दीपाश्री निरौलालाई देखाइएको छ । निर्माता तथा कलाकार दीपक भन्छन्, ‘हामीले ट्रेलरको छायांकन नै गरेका हौं । दर्शकलाई अब नेपाली चलचित्रको चहलपहल पनि शुरु भएको छ हैं भन्ने सन्देश दिन पनि यो तरिका अपनाएका हौं ।’ अब दुई महिनामा छायाँकनमा तयारी रहेको र चलचित्र अर्को बर्षको दशैंमा प्रदर्शन गर्ने लक्ष्य राखिएको पनि गिरिले सेलिब्रेटी नेपाललाई बताए।

दीपकले चलचित्रको ट्रेलरले पाएको प्रतिक्रिया बाट सन्तुस्ट रहेको पनि बताए । ‘दर्शकले हाम्रो चलचित्र हेर्न नपाएको २ बर्ष भयो हामि पनि यसै क्षेत्रमा छौं काम गर्दै छौं भन्ने सूचना दिने उदेश्यले पनि निर्माण पहिले नै ट्रेलर सार्वजनिक गरिएको हो’ गिरि बताउछन्।

सेलिब्रिटी नेपाल.कम

सूचना तथा प्रसारण विभाग दर्ता नम्बर ५३७ – २०७३ / ०७४

संचालक / प्रकाशक: कल्पना सापकोटा
सम्पादक: आनन्द अधिकारी
समाचार प्रमुख: रघुनाथ सापकोटा
सम्पर्क:
call/whatsapp: +977 9851071873 | email: celebritynepal@gmail.com

Supported by Glamour Nepal | Shopping Partner: Kavya Online Store

Copyright © 2012 - 2025 | All Right Reserved.