पाकिस्तानी अभिनेत्री विना मलिक राजनीतिमा लागेर आफ्नो पिताको सपना पूरा गर्न चाहन्छिन् ।आफूले पनि पिताको सपना पूरा गर्न चाहेपनि त्यसको लागि परिपक्व भइनसकेकी विना बताउँछिन् । ग्ल्यामरस छवि बनाएकी विनाले आफ्नो पिताले आफू पाकिस्तानमा नै रहेर सुरुवाल कुर्ता लगाएको हेर्न चाहेको पनि खुलासा गरिन् ।
पिताले आफूलाई सुरुवाल कुर्ता लगाएको मन पराउने भएकाले पिताको साथमा भएको बेला सोही पहिरनमा बस्ने कोशिश गर्ने विनाले बताइन् ।विना बलिउड फिल्म जिन्दगी ५० ५० को लागि निकै उत्साहित छिन् । यो उनको पहिलो फिल्म हो, जुन भारत र पाकिस्तानमा एकैदिन रिलिजमा आउनेछ ।
