मुन्नाभाईको नामले चिनिने भारतीय अभिनेता सञ्जय दत्त आज विहीबार जेल प्रस्थान गरेका छन् । उनलाई मुम्बईको टाडा बिशेष अदालत लगेर आजै आत्मसर्मपण गराउने कार्यक्रम छ ।जेल प्रस्थान गर्नु अघि दत्तको घरमा भारतीय चर्चित कलाकारहरुको जमघट थियो । सलमान खान, अजय देवगन, अभिषेक बच्चन लगायतका सिनकर्मीहरु दत्तलाई भेट्न पुगेका थिए।
यसअगाडि दत्तले आत्मसमर्पणको लागि समय थप्न आग्रह गरेपनि अदालतले सो अपिल खारेज गरेको थियो । सन् १९९३ मा भएको मुम्बई बमकाण्डका अभियुक्तहरुसँग हतियार लिएको आरोपमा उनलाई पाँच वर्षको जेल सजायँ सुनाइएको छ ।
