काठमाडौं । लामो समयदेखी युवा प्रेरकको रुपमा काम गर्दै आएकी जमुना वनको नयाँ गीत सार्वजनिक गरिएको छ । यसअघि ‘सम्हाल्ने मुटुलाई’ बोलको गीत गरेकी जमुनाले अहिले फेरी नयाँ गीत ‘स्वर्ग झैं लाग्छ’ सार्वजनिक गरिएको हो । गीतमा पुजा लामाको शब्द रहेको छ भने सुरज तामाङको संगीत छ ।
गीतबारे बोल्दै जमुनाले दर्शक तथा स्रोताबाट प्रतिक्रियाको अपेक्षा गरेकी छन् ‘मैले धेरै गीत गाएकी त छैन तर समय समयमा गीतसंगीतमा पनि निरन्तरता दिनुपर्छ भन्ने लाग्छ’ जमुनाले भनिन् । ‘अहिलेको गीत पनि मेहनतका साथ बनाएका छौं आशा छ दर्शक स्रोतामाफ मनपर्छ ।’ जमुनाले आफूलाई गीतसंगीतमा लाग्न साथीभाईले उत्प्रेणा दिएको बताइन ।
गीतको भिडियोमा सम्राट डिवन र टुटुना बथारीको अभिनय रहेको छ । भिडियो न्युटोन लांथासाको निर्देशन रहेको छ । भिडियोमा पृथ्वीराज दुत्ताको छायांकन रहेको छ । भिडियो ओएसआर डिजिटलको अफिसियल च्यानलबाट सार्वजनिक गरिएको छ।
