सौगात र सृष्टिको ‘दि सेक्रेट्स अफ राधा’ को छायाँकन सुरु

काठमाडौँ । चलचित्र ‘दि सेक्रेट्स अफ राधा’ को छायाँकन सुरु भएको छ । सुवर्ण थापाको निर्देशन रहने चलचित्रको बिहीवारदेखि पालुङबाट छायाँकन सुरु भएको हो ।

सौगात मल्ल, सृष्टि श्रेष्ठ, खगेन्द्र लामिछाने, मेनुका प्रधान, पशुपति राई, दिव्य देव पन्त, पुस्कर गुरुङलगायत कलाकारको अभिनय रहने चलचित्रमा दयाहाङ राई र निश्चल बस्नेतको पनि विशेष भूमिका रहनेछ । सामाजिक विषयवस्तु कथा बनाइएको फिल्म १५ दिन पालुङमा छायाँकनपछि बाँकी कामका लागि युनिट काठमाडौं फर्कनेछ । निर्देशक सुवर्णकै निर्माण रहेको चलचित्रमा नरेन्द्र मैनालीको छायाँकन, कालीप्रसाद बाँस्कोटा संगीत रहेको छ ।