काठमाण्डौ। गायक वाशुदेब के.सी.को नयाँ म्यूजिक भिडियो ‘टुना मुना’ सार्वजनिक भएको छ। एल्बम ‘राईजिङ सन’ को ‘यो मौसम’ बोलको गीत बाट सांगीतिक क्षेत्रमा प्रवेश गरेका गायक के.सी.को ‘टुक्रिनु थियो’ , ‘ओ प्रिय ‘ लगायतका गीतहरु समेत समावेश रहेका छन् । सार्वजनिक गीत सोही एल्बमको चौथो गीत हो ।
यस गीतमा गायक के.सी.सँगै ‘पिच रोड, ‘तीनपाते’ जस्ता चर्चित गीतकी गायिका बिद्या तिवारीको स्वर रहेको छ । यस गीतमा शब्द तथा संगीत हरि लम्सालको रहेको छ ।
गीतको भिडियोमा मोडल जेबिका कार्की र राजिव थापाको अभिनय रहेको छ । मिलन एक्स तामांग र मण्दीप बखुंछेले छायांकन गरेको भिडियोका निर्देशक मण्दीप बखुंछे हुन् भने सुप्रिम पराजुलीले सम्पादन तथा कलर करेक्शन गरेका छन् । भिडियोको कन्सेप्ट मनोज सापकोटाले तयार पारेका हुन् ।
