काठमाडौँ। गायक प्रमोद खरेलको आवाजमा रहेको नयाँ गीत ‘ओइ माया’ सार्वजनिक गरिएको छ । शब्द रविलाल पाण्डेको रहेको ‘ओइ माया’ बोलको गीतमा बिमुनको संगीत रहेको छ ।
‘ओइ माया ओइ माया ओइ माया किन किन तिमीसँग बोल्न मन लाग्छ मनको कुरा तिमीसँग खोल्न मन छ ओइ ओइ माया ओइ माया’ गीतको भिडियो अनिल श्रेष्ठ ‘सम्राट’ ले निर्देशन गरेका छन् । गीतको भिडियोमा सिद्धान्त पौडेल र सिर्जना घिमिरे फिचर्ड छन् ।
भिडियो छायाँकन हरि बहादुर लामाले गरेका हुन् भने कविता थामीको नृत्य निर्देशन रहेको छ । भिडियोको सम्पादन भने कमल एक्चै मगरले गरेका हुन् । गीतको भिडयो एस सिने प्रोडक्शन हाउस युट्युव च्यानलबाट सोमबार सार्वजनिक भएको हो ।
