काठमाडौँ। गायक मनोजराज तथा गायिका सुजाता वर्माको स्वरमा तयार भएको गजल ‘वेदनाको भे’ को म्युजिक भिडियो सार्वजनिक गरिएको छ। सार्वजनिक भिडियोमा अभिनेता गजित विष्ट तथा अभिनेत्री आरोही शर्मा फिचर्ड छन् । सन्तोष श्रेष्ठले उक्त गजललाई संगीतबद्ध गरेका छन् । ‘एक एक एघार’ शीर्षकको एल्बममा समावेश गरिएको यो गजललाई डा.केशव शर्माले रचना गरेका हुन् ।
भिडियोमा गजित र आरोहीसंगै नारायण उप्रेती, अनु राई, मनिषा खड्का, विष्णु खड्का, सुवास पोखरेल, सितामैयाँ रचाल, डम्बर खड्काथोकी आदि कलाकारले पनि अभिनय गरेका छन् । नवराज उप्रेतीद्वारा छायांकन गरिएको यो भिडियोलाई टेकेन्द्र शाहले सम्पादन गरेका हुन् ।
भिडियोमा गजित विष्ट तथा गम्भिर विष्टको कोरियोग्राफी छ । भिडियोलाई हेमप्रभास अधिकारीले निर्देशन गरेका हुन् ।
