काठमाडौँ। गायक निशान भट्टराईको स्वरमा रहेको नयाँ गीत सरला सार्वजनिक गरिएको छ। सार्वजनिक गीतमा प्रलाद शाहको शब्द रहेको गीतमा सुवास भुषालको संगीत रहेको छ। गीतलाइ भाका इन्टरटेन्टमेन्टले सार्वजनिक गरेको हो ।
आफ्ना हरेक भिडियोमा कथाको अलवा जिवन र भूगोललाई सुन्दररुपमा प्रस्तुत गरेर भिडियोलाई फिल्मी स्वरुप दिने निर्देशक विकाश सुवेदी निर्देशित म्युजिक भिडियो ‘सरला’ मा अन्तरजातिय प्रेम देखाउन खोजिएको छ ।
मधेशी समुदायमा व्याप्त दाइजो प्रथाले निम्त्याएको समस्या र पीडासँगै दुई फरक समुदायका युवायुवतीबीचको प्रेम देखाइएको ‘सरला’मा मधेशी समुदायमा हुर्के बढेका अभिनेता नाजिर हुसेनले अभिनय गरेका छन् । उनलाई अनु थापाले साथ दिएकी छन् । अन्तरजातिय प्रेम विवाह गरेपछि नाजिरको परिवारले दाइजो नल्याएको भन्दै अनुमाथि गरेको नराम्रो व्यवहारलाई भिडियोमा देखाइएको छ । सागर प्रधानको क्यामेरा, जिवन थापाको सम्पादन र कलर ग्रेडिङ रहेको भिडियोलाइ सार्वजनिक भएसंगै दर्शकले राम्रा राम्रा प्रतिक्रिया दिएका छन् ।
