काठमाडौँ। तामाङ चलचित्रका नायक टुल्साङ तामाङ मोक्तानले नयाँ तामाङ गीतको भिडियोमा अभिनय गरेका छन् । खसु न्हाङ्ला दिनी, दोखाङ लगायतका तामाङ चलचित्रमा नायकको भूमिका निर्वाह गरिसकेका मोक्तानको यो पहिलो म्युजिक भिडियो हो ।
गायक एवं संगीतकार निमा दोङ र पुजा तामाङको स्वर रहेको ‘ए बिना’ बोलको गीतमा शब्द र संगीत निमा दोङकै रहेको छ । उक्त गीतको म्युजिक भिडियोमा मोक्तनसँग तामाङ चलचित्रकै नायिका रोश्नी ब्लोनले अभिनय गरेकी छिन् ।
सार्वजनिक गीतमा संगीत संयोजन चान्द सिँहको रहेको छ । अमिर दोङको सम्पादन र निर्देशनमा तयार भिडियोमा भीम बहादुर तामाङको छायाँकन, युद्ध लामाको कोरियोग्राफी, सुर्य लामाको कलर रहेको छ । निमा दोङ स्थापित गायक एवं संगीतकार हुन्, टुल्साङ तामाङ मोक्तानको पहिलो म्युजिक भिडियो भएपनि उनले अभिनय गरेका तामाङ चलचित्रलाई दर्शक स्रोताले निक्कै रुचाएका छन् । प्रेमिल शब्दले भरिपूर्ण “ए बिना” ले सांगीतिक बजारमा चर्चा पाउने अपेक्षा गरिएको छ ।
