हेमन्त र एलिनाको आवाजमा ‘तिमी बाहेक मेरो कोही छैन’

काठमाडौं । गायक हेमन्त शर्माले नयाँ गीतको अफिसियल भिडियो सार्वजनिक गरेका छन् । शर्माले आईतबार ‘तिमी बाहेक मेरो कोही छैन…’बोलको प्रेमिल गीत सार्वजनिक गरेका हुन् ।

हेमन्त शर्माको शब्द तथा संगीत रहेको गीतमा हेमन्त र एलिना चौहानको स्वर छ । गीत कृष्ण बिकेले एरेन्ज गरेका हुन् । गीतको भिडियोमा पल शाह र रियाशा दाहालले अभिनय गरेका छन् । देवेन्द्र पाण्डेको कोरियोग्राफी तथा नितिन चन्दको निर्देशन रहेको भिडियोलाई रुपेश थापाले छायाँकन तथा पल शाहले सम्पादन गरेका छन् ।

हेमन्त शर्मा भन्छन्, – नयाँ कलाकारसँग ‘टाइअप’ गरेर काम गर्दा धेरै कुरा जानिँदोरहेछ

प्रकाश राज र खिमा थापाले निर्माण गरेको भिडियोमा अशोक मल्लको कथा/कन्सेप्ट छ । गीत हेमन्त शर्मा अफिसियल युट्युब च्यानलबाट सार्वजनिक गरिएको हो ।