जनम र मेलिनाको ‘तिमीलाई हेरी’ सार्वजनिक (भिडियो)



काठमाण्डौ। जनम थुलुङको स्वर तथा सङ्गीत रहेको ‘तिमीलाई हेरी’ बोलको गीतको म्युजिक भिडियो सार्वजनिक गरिएको छ । जनम थुलुङ अफिसियल युट्युब च्यानलबाट आज दिउँसो सार्वजनीक गरिएको गीतमा जनम र गायिका मेलिना राईको स्वर रहेको छ ।

गीत जेन्नी राईले लेखेकी हुन् भने एरेन्ज राजु कार्कीको रहेको छ । गीतमा सच्चा प्रेमलाई समाजले हेर्ने दृष्टिकोण तथा सच्चा प्रेमको अघि जतिसुकै कठोर मान्छेको मन पनि पग्लन्छ भन्ने सन्देश दिन खोजिएको छ ।

एलिश राई र अनुशा राईको अभिनय रहेको छ। भिडियोमा छायांकन ज्ञानेन्द्र शर्मा र सम्पादन विकाश ज्ञवालीको रहेको छ । गीतको परिकलपना तथा निर्देशन एलिश राईले गरेका छन् ।