सिमोश र रेशको सहमती

(सेलिब्रेटी नेपाल) ९ बैशाख-एनिमेटर सिमोश सुनुवार र नायक तथा निर्माता रेश मरठ्ठाको बिच ७ लाख रुपियाँ जरिवाना तिर्ने र १५ दिनमा ‘च्यालेञ्ज’ को सबै बाँकी काम सकाउने सहमती भएको छ । आफ्नो पारिश्रमीक साढे ६ लाख लिएका सिमोशले ७ लाख रुपियाँ ३ महिना भित्र ५ किस्तामा रेशलाई चुक्ता गरिसक्नु पर्नेछ । सिमोश र रेशको सहमती निर्माता संघका अध्यक्ष राजकुमार राई, महासचिव केशव भट्टराई र सचिव सुरेश दर्पण पोखरेलको रोहवरमा भएको हो । नेपाल चलचित्र निर्देशक समाज र निर्माता संघले जिल्ला प्रशासनलाई काटेको पत्रका आधारमा हिजो कमल पोखरी प्रहरी विटले निर्देशक सुनुवारलाई पक्राउ गरेको थियो । हिजो साँझ नै प्रहरीले सिमोशलाई रेशसँग सहमती गरेर आउन भनी तारेखमा छाडेको थियो ।