सेलिब्रेटी नेपाल
काठमाडौं: र्यापर तथा इन्जिनियर निराजन तिमल्सिनाको स्वरमा रहेको ‘नालापानी’बोलको र्याप गीत सार्वजनिक गरिएको छ । ओएसआर डिजिटलको युट्युब च्यानलमा सार्बजनिक गरिएको गीतमा नेपाल-अंग्रेज युद्धमा शहिद भएका एक योद्धाको कहानी प्रस्तुत गरिएको छ । गायक निराजनका अनुसार यो गीत उनले सन् २००९ मा लेखेका हुन् ।
गीतको शब्द लेखन र भिडियो निर्देशन गायक निराजनकै रहेको छ । संगीतको काम भने रेञ्ज रेकर्ड्सले गरेको छ । भिडियोमा मुख्य कलाकारको रुपमा रंगकर्मी निशा पाख्रिन, रजिन आचार्य साथै कलाकार बिकाश ढकाल र आरोग्य ढकाल रहेका छन् । म्युजिक भिडियोको छायांकन र सम्पादन बाला रेकर्ड्सका आशिष गैरेले गरेका छन् ।
