सेलिब्रेटी नेपाल
काठमाण्डौ: अभिनेता अनुप बिक्रम शाही र अभिनेत्री आँचल शर्मा अभिनित नयाँ गीतको भिडियो सार्वजनिक गरिएको छ । सार्वजनिक ‘तिम्रो शहर’ बोलको गीतमा साहिमा श्रेष्ठको स्वर रहेको छ भने दिपक शर्माको संगीत तथा अमर बान्तुको शब्द रचना रहेको छ ।
चलचित्र निर्देशक बसन्त निरौला निर्देशित यस गीतको भिडियोमा अभिनेत्री शर्मा अभिनेता शाहिलाई भेट्न उनको शहर आएकी छन् । आँचलले धेरै कोशिस गरेपछि मात्र अनुपले उनको प्रेम स्विकारेका छन् । गीतमा आँचलले आकर्षक नृत्य समेत गरेकी छन् ।
भिडियोमा पबित्रा आचार्यको कोरियोग्राफी रहेको छ । दिव्य सुवेदी सिनेमाटोग्राफर रहेको यस भिडियोको सम्पादन सुप्रिम पराजुलीले गरेका हुन् । आकर्षक स्थलहरुमा छायांकन गरिएको यस गीतको भिडियो ओएसआर डिजिटल मार्फत सार्बजनिक गरिएको हो ।
