सुशीलको ‘पहिलो यो माया’मा समीक्षा र शेखरको रोमान्टिक अवतार

सेलिब्रेटी नेपाल

काठमाडौँ: द भ्वाइस अफ नेपालको पहिलो सिजनबाट चर्चामा आएका गायक सुशील गर्तौलाको स्वरमा रहेको ‘पहिलो यो माया’ बोलको नयाँ गीत सार्वजनिक भएको छ । सुशीलको स्वरमा रेकर्ड भएको यो पहिलो गीत हो । उक्त गीतमा धनबहादुर गोपली र श्री केसीको शब्द तथा संगीत रहेको छ ।

सुगम संगीतमा उनको स्वर निकै राम्रो भएको धेरैको प्रतिक्रिया थियो । द भ्वाइसको अडिसनमा पनि सुशीलले यसै गीतको केही अंश गाएका थिए । भिडियोमा निर्देशक प्रकाश धितालले निकै मेहनत गरेको देखिन्छ ।

भिडियोमा शेखर सुवेदी र समीक्षा पोखरेल फिचरछन् । उत्सव दाहालले खिचेको भिडियोलाई विकास दाहालले सम्पादन गरेका हुन् भने नृत्य निर्देशन सन्तोष राजबाहकको रहेको छ ।