सेलिब्रेटी नेपाल
काठमाडौं:भारतको चर्चित रियालिटी शो ‘अब गाएका मथुरा’को बिजेता सुदिक्षा ढुंगेलको स्वरमा सजिएको ‘मनमा छ कुरा’ बोलको गीतको म्युजिक भिडियो सार्वजनिक गरिएको छ । माधव भण्डारीको शब्द, संगीत तथा संगीत सँयोजन रहेको गीतको भिडियो युट्युब मार्फत सार्वजनिक गरिएको हो । संग्राम तमाङको निर्देशन रहेको भिडियोमा गायिका सुदिक्षा सँगै मिकेश पौडेल फिचर्ड छन । भिडियोमा बिमल राई र महेश थापाको कोरियोग्राफी, रामेश्वर जिरेलको छायाँकन, र बन्दे प्रसादको सम्पादन रहेको छ ।
सुमधुर स्वरकी धनी सुदिक्षाका यस भन्दा अगाडि केही भजन अनि गीतहरु सार्बजनिक भई सकेका छन । करिब तीन बर्षको उमेर देखी नै गीत गाउन थालेकि सुदिक्षाले थुप्रै रियालिटी शोहरु पनि जितेकी छिन् । कक्षा ९ मा अध्ययनरत सुदिक्षा आफ्नो पारिवारिक माहौल नै गीत संगीत भएकोले आफु पनि सानै देखी गीत संगीतमा लाग्न प्रेरित भएको बताउछिन । भिडियोमा गायिका सुदिक्षा र मिकेश पौडेल फिचर्ड छन् ।
