बलिउडमा ‘मिस्टर परफेक्सनिस्ट’को नामले चर्चित अभिनेता आमिर खान ४८ वर्षका भएका छन् । बलिउडमा हिट फिल्म दिन सफल आमिर बिहीबार ४८ वर्षका भएका भारतीय समाचार माध्यमहरुले जनाएका छन् ।
यतिबेला भने आमिर स्वीट्जरल्याण्डमा रहेका छन् । आमिर त्यहाँ आफ्नो आगामी फिल्म ‘धुम–३’को सुटिङमा ब्यस्त भईरहेको जनाइएको छ ।बलिउडमा ‘कयामत से कयामत’बाट फिल्म करियर सुर गरेका आमिरले अहिलेसम्म सफलताको कीर्तिमान रच्न सफल भएका छन् । एक सफल निर्माता, निर्देशक र लेखकको समेत परिचय बनाएका आमिरको जन्म सन् १९६५ को मार्च १४ तारिखका दिन भएको बताइन्छ ।
