सेलिब्रेटी नेपाल
काठमाडौँ: म्युजिक भिडियो तथा विज्ञापन निर्देशनमा आधा दसक काटिसकेका नव ढुंगेलको निर्देशनमा नयाँ भिडियो सार्वजनिक भएको छ । गीतकार सुबाष चन्द्र ढुङेलको शब्दमा गायक कर्णदासको आवाजमा रहेको गीत ‘ मन को किताब ’ को म्युजिक भिडियो आर्टिस टिभि च्यानाल मार्फत सार्वजनिक भएको हो ।
मनको किताब भिडियोमा मोडल सन्दिप शाही र रचिता छेत्रीले अभिनय गरेका छन् । अमृत सुनुवारको छायाङ्कन तथा माधव बेल्बासकोे सम्पादन रहेको छ ।
सुगम संगीत गायन मार्फत दर्शक माझ लोकप्रीय कर्णदासका ठूला ठूला महल होइन, पुरानो डुंगा , आधा सपना लगायतका गीतहरु चर्चित छन् । गायक कर्णदासले आफ्ना अन्य गीतहरु जस्तै यस गीतलाई पनि दर्शक श्रोताहरुले माया गरिदिनेमा आशाबादी रहेको बताए ।
