काठमाडौं । प्रेमकथामा बनेको चलचित्र ‘लभ यु हमेशा’को फस्र्टलुक पोस्टरसँगै प्रदर्शन मिति सार्वजनिक गरिएको छ ।
भाष्कर प्रधान निर्देशित चलचित्र आउँदो भदौ ६ गतेबाट देशभरका हलमा प्रदर्शन हुँदैछ ।
आइडियल डिजाइनर्सले डिजाइन गरेको ‘लभ यु हमेशा’का बिभिन्न डिजाइनका पोष्टरमा यशराज गरच, ऋचा थापा र फिजा योन्जनलाई समेटिएको छ ।
धर्मा क्रिएसनको ब्यानरमा यवन गुरुङको प्रस्तुति र मिलन गुरुङ सह–निर्माता रहेको चलचित्रमा यशराज, रिचा र फिजाका साथमा शिशिर राणा, गोपाल ढकाल (छन्दे), पिटी योल्मा, प्रमिला राई, सल्देन तामाङ लगायतका कलाकारको अभिनय रहेको छ ।
भारतको कालेबुङ, सिलगुडी तथा काठमाडौमा सुटिङ गरिएको चलचित्रको केही दृश्य सिंगापुर र फिलिपिन्समा खिचिँदैछ ।
निर्देशक भाष्करकै कथा, शिव ढकालको छायांकन, एनबी महर्जनको द्धन्द्ध निर्देशन, भासुको संगीत, कमल राईको कोरियोग्राफी रहेको चलचित्रमा मिलन श्रेष्ठको सम्पादन छ । ‘लभ यु हमेशा’को वितरण आरआर फिल्मस्ले गर्दैछ ।
