सेलिब्रेटी नेपाल काठमाडौँ
चलचित्र ‘रोमियो एण्ड मुना’ को ‘स्याण्डविच’ सङ्ग रिलिज गरिएको छ । राजधानीमा प्रेस मिट गर्दै चलचित्रको गीत सार्बजनिक गरिएको हो गौरव डागोन्करको संगीत, अर्ल युआरएलको शब्द तथा स्वर रहेको गीतको भिडियोमा रोमियो अर्थात नायक विनय श्रेष्ठ विकिनी गर्लसँग मस्ती गरिरहेका छन् । बिहिबार आयोजना गरिएको प्रेसमिटमा पनि विनय दुई विकिनी गर्लसँग ईन्ट्री गरेका थिए । उक्त बिकिनी गर्ल संगको इन्ट्रीको अहिले नेपाली सिने बजारमा आलोचना भईरहेको छ ।
‘डायङ क्यान्डल’ निर्देशक नरेश कुमार केसी निर्देशित रोमियो एण्ड मुनामा विनय रोमियो र नायिका सृष्टि श्रेष्ठ मुनाको भूमिकामा प्रस्तुत भएकी छन् । भि मोसन पिक्चर्स, पिएमजी र केएस प्रोडक्सनको प्रस्तुती रहेको चलचित्रमा विनय, प्रसन्न गोपाली, राम शर्मा र कविन शाक्यको संयुक्त रुपमा लगानी गरेका छन् । ‘रोमिया एण्ड मुना’ मा विनय र सृष्ट्रिसँगै नायिका सुस्मा कार्की, प्रज्जवल सुजल गिरी सुरक्षा पन्तको अभिनय छ । बिहिबार गीतसँगै चलचित्रको पोस्टर पनि सार्बजनिक गरिएको थियो ।
