सेलिब्रेटी नेपाल काठमाडौँ
रमेश उप्रेतीको निर्माण तथा मुख्य अभिनय रहेको चलचित्र ‘ऐश्वर्य’ बिहिबार, छठ पर्वदेखि देशभरबाट प्रदर्शनमा आएको छ । गीत संगीत र प्रोमोबाट नै चर्चामा आउन सफल चलचित्रमा रमेश उप्रेती, प्रशान्त ताम्राकार, केकी अधिकारी र नव नायिका दीपिका प्रसाईंको मुख्य भूमिका रहेको छ । चलचित्र प्रदर्शन कै दिन राजधानीमा प्रेस शोको पनि आयोजना गरिएको थियो प्रेस शोमा चलचित्र हेर्ने पत्रकार हरुले चलचित्र उत्कृस्ट बनेको प्रतिक्रिया दिएका छन् । चलचित्रको मेकिङ्ग रिच देखिएको छ ।
दिवाकार भट्टराईको लेखन तथा निर्देशन रहेको ‘ऐश्वर्य’ धनको पछि लाग्ने व्यक्ति र त्यसबाट आउने परिणामको कथा हो । अर्जुन पोखरेलको संगीत रहेको ‘तिमी रोएको पल’ ले श्रोताको मन जित्न सफल भइ सकेको छ । राजेश श्रेष्ठ र सुदीप बरालको छायाँकन रहेको चलचित्रमा रामजी लामिछाने र तेञ्जु योञ्जनको कोरियोग्राफी रहेको छ ।
