सेलिब्रेटी नेपाल काठमाडौँ
कार्तिक २४ मा सार्बजनिक प्रदर्शन मा आउने चलचित्र ‘’सकस’’को शिर्ष गीत सार्वजनिक गरिएको छ । संसारमा बाच्नका लागि संसारमा व्याप्त सकसलाई तोड्नु पर्ने उत्साह दिन्छ यस गीतमा चलचित्रका मुख्य अभिनेता अभिनेता सुन्दर श्रेष्ठ लगायत अन्य फिचरिङ छन् । चेतन सापकोटाको संगीत समावेश गीतमा उनकै स्वर रहेको छ। सुन्दर श्रेष्ठको निर्माणमा बनेको चलचित्रले काठमाडौँमा गुण्डाहरुको राज कसरि चल्छ, कसरि गुण्डा बन्छ ? भन्ने बिषयलाई जोडेको छ । मौनता श्रेष्ठको लेखनमा बनेको यस चलचित्रमा सुन्दर श्रेष्ठ ,प्रज्वल गिरि ,शुष्मा कार्की, महिमा सिलवाल,विल्सन विक्रम राई, रविन्द्र खडका, श्याम राई लगायत अन्य कलाकारको मुख्य अभिनय छ ।
अक्कल सिंह खडका र दोभान फिल्मस् प्रा.लिको प्रस्तुती रहेकोचलचित्रमा कृष्ण श्रेष्ठको छायाँकन, हिमाल केसीको द्वन्द्व, चेतन सापकोटाको सङ्गीत, कमल राई र समिर मियाको कोरियोग्राफी रहेको छ । एन.वि महर्जन निर्देशित चलचित्रका सह-निर्माता भने सुवाश चन्द्र भट्टराई र खगेन्द्र डागी हुन् ।
