सेलिब्रेटी नेपाल काठमाडौँ
चर्चित रियालिट शो नेपाल आइडलको टप ११ सम्म पुग्न सफल भएकी गायिका मेनुका पौडेलको आवाजमा नयाँ गीत सार्बजनिक भएको छ । मेनुकाको मनै छुने मार्मिक गीत ‘दिलको घाउ कति दुख्छ’ को भिडियो सार्बजनिक गरिएको हो । नेपाल आइडलमा पनि मेनुकाले आफ्नो सुमधुर स्वरले दर्शक, श्रोता तथा जजहरुको मन जितेकी थिइन । जसलाई उनले यो गीतबाट थप पुष्टि गरेकी छन् । राज धमला निश्चल ‘ओखलढुंगे’को मार्मिक शब्दहरुमा सुरेन्द्र भट्टराईको सुमधुर सङ्गीतले गीतलाई थप सुमधुर बनाएका छन् ।
बिनोद भुजेल एरेन्जर रहेको गीतमा गायिका पौडेल आफैले अभिनय पनि गरेकी छन् । जसले भिडियो हेर्ने दर्शकले वास्तविक घटनामा भिडियो बनेको महसुस गर्नेछन । गीतका सर्जक राज धमला निस्चल ओखलढुंगेले नै भिडियो निर्देसन गरेका छन् । प्रवेश पोखरेलले छायांकन गरेको भिडियो लाइ सुरेश श्रेष्ठले सम्पादन गरेका हुन् ।
