सेलिब्रेटी नेपाल काठमाडौँ
‘कार्टुन्ज क्रु’को आकर्षक अभिनय रहेको गीत ‘जता जता पिरतीको बाटो….’ सार्वजनिक भएको छ । युट्युब मार्फत गीत भिडियो सहित सार्वजनिक भएको हो । गतबर्ष सार्वजनिक भएको पल शाह र धुर्मुस सुन्तली अभिनित ‘तिमीलाई देखेपछि आई लभ यु भन्न मन लाग्यो’ गीतको सिक्वेलको रुपमा यो गीत आएको बताइएको छ ।
शुभ मिडिया होमको प्रस्तुति रहेको गीतमा सरोज ओलीको स्वर, दिनेश थपलियाको शब्द र बसन्त सापकोटाको संगीत छ । भिडियोलाई संजय लामाले खिचेका हुन् । भिडियोमा पल शाह र आस्माको समेत अभिनय रहेको छ । भिडियोमा आस्मालाई पलले उडाएपछि सरोजको बिचल्ली भएको देखाइएको छ । कार्टुन्ज क्रुको कमेडी समेत गरेको भिडियो निकै मन मोहक छ । कार्टुन्ज क्रुका सरोज अधिकारीले भिडियोले आफुहरुलाई कमब्याक गराउन सफल रहेको बताए ।
