सेलिब्रेटी नेपाल एजेन्सीको सहयोगमा
चर्चित आसामी नायिका तथा गायिका बिदिशा बजेबरुआले आत्महत्या गरेकी छन् । गत सोमबार उनले हरियानाको सुशान्त लोक इलाकामा झुन्डिएर आत्महत्या गरेकी हुन् । प्रहरीले उनका श्रीमानलाई मंगलबार पक्राउ गरेको छ । बिदिशाका बाबुले छोरीको हत्या भएको र त्यसमा ज्वाइँको संलग्नता रहेको प्रहरीकहाँ हालेको उजुरी उल्लेख छ । बिदिशाका श्रीमान्को अर्कै युवतीसँग प्रेम सम्बन्ध रहेको बताइएको छ । १४ महिनाअघि बिदिशाको गुजराती निशित झासँग बिहे भएको थियो ।
बिदिशा हालै रिलिज भएको रणवीर कपुर र कैटरिना कैफ अभिनित ‘जग्गा जासुस’ की कलाकार पनि हुन् । गुजरात बस्दै आएकी बिदिशा फिल्ममै अभिनय गर्न मुम्बई आएकी थिइन् । उनले अभिनय गरेको अन्तिम फिल्म ‘रुनी’ बनेको छ । कुशल डान्सर बिदिशाले मास कम्युनिकेसनमा स्नातक गरेकी थिइन् ।
