सेलिब्रेटी नेपाल काठमाडौँ
राष्ट्रिय भलिबल खेलाडी सिपोरा गुरुङको डेब्यु चलचित्र ‘भूईँमान्छे’को ट्रेलर सार्बजनिक गरिएको छ । राजधानीमा औपचारिक कार्यक्रमको आयोजना गरेर निर्माण युनिटले ट्रेलर सार्बजनिक गरेको हो । चलचित्रका कलाकार,निर्माता,निर्देशक तथा पत्रकार हरुको उपस्थिति रहेको कार्यक्रममा बोल्दै ‘भूईँमान्छे’का निर्देशक नवराज बुढाथोकीले फरक कथा बस्तुमा छुट्टै किसिमको नेपाली चलचित्र निर्माण गरेको बताए ।
पोस्टमार्टम गर्ने व्यक्तिको कथामा केन्द्रित ‘भूईँमान्छे’ मा रमेश बुढाथोकी, सहिन प्रजापति, बादल भट्टलगायत कलाकारको अभिनय रहेको छ । चलचित्र भदौ २ गते बाट सार्बजनिक प्रर्दशनमा आउने छ । बिदुर पाण्डेको छायांकन रहेको चलचित्र लाइ गम्भीर राज कर्णिकार र मधु सुदन संजेलले सम्पादन गरेका हुन्। चलचित्रमा अर्जुन पोखरेल र देवेन्द्र राइको संगीत रहेको छ कमल राई र कविराजको नृत्य निर्देशन रहेको चलचित्रमा अस्ट महर्जनको द्वन्द निर्देशन रहेको छ । चलचित्र लाइ रोहिणी भट्टराई निरुपा राज्य लक्ष्मी थापा र हरि यादब मिलेर निर्माण गरेका हुन् ।
