सेलिब्रेटी नेपाल काठमाडौँ
साउन १३ लाई प्रदर्शन मिति तय गरेको चलचित्र ‘रुद्र’को पहिलो गीत रिलिज भएको छ । सार्वजनिक ‘आइएम च्याङ्ग्वा’ वोलको गीतमा अभिनेता निखिल उप्रेतीले संगीत भरेका छन् । गीतमा पछिल्लो समय सार्वजनिक विभिन्न चलचित्रका गीत भन्दा भिन्न परिवेश जोडिएको छ ।
तामाङ जातीमा प्रसिद्ध तामाङ सेलोले प्रेमभाव बोल्छ । गीतमा शब्द जगदिश्वर थापाको छ भने स्वर शशीविक्रम थापा, संगीता तिमल्सिना र सोना अमात्यको छ । लिड कलाकार विश्व र सारासँगै ज्याक श्रेष्ठ फिचरिङमा छन् । रामजी लामिछानेको निर्देशनमा बनेको चलचित्रको केहि दिन पहिले ट्रेलर सार्वजनिक गरिएको थियो ।
यो चलचित्रमा एक्सन स्टारको उपमा पाएका निखिल भिलेन अबतारमा प्रस्तुत भएका छन् । सौरभ लामाले खिचेको रुद्र लाई काठमाडौंमा विके फिल्मस् र मोफसलमा एफडी कम्पनिले वितरण गर्दैछ ।
