सेलिब्रेटी नेपाल काठमाडौँ
निखिल उप्रेतीले निर्माण गरेको चलचित्र ‘रुद्र’को ट्रेलर सार्बजनिक गरिएको छ। काठमाण्डौको सीटीसी मलमा एक औपचारिक कार्यक्रमको आयोजना गरेर ट्रेलर सार्वजनिक गरिएको हो । यस चलचित्रमा अभिनेता निखिल उप्रेती खलपात्रको रुपमा देखिंदै छन् । साउन १३ गतेबाट सार्बजनिक प्रदर्शन हुने चलचित्र ‘रुद्र’मा निखिल संगै नव नायक बिश्व शर्मा र नव नायिका साराको मुख्य अभिनय रहेको छ।
रामजी लामिछानेले निर्देशनमा तयार भएको चलचित्रमा रामजी लामिछानेकै कोरियोग्राफी, बनिष शाह र मिलन श्रेष्ठको सम्पादन, सौरभ लामाको छायांकन रहेको छ । चलचित्रको ‘रामका लागि रावण, रावणका लागि राम दुबैका लागि भिलेन थिए’ भन्ने संवाद हिट हुन सक्छ । सार्बजनिक ट्रेलरमा भरपुर् एक्सन दृश्यले स्थान पाएको छ एक्सनका साथै नव नायक नायिकाको प्रेमले पनि स्थान प्राप्त गरेको छ । ट्रेलर सार्बजनिक कार्यक्रममा नायक निखिलले आफुले नौलो कथामा काम गरेको र दर्शकले साथदिनेमा ढुक्क रहेको बताए ।’जति पनि युद्द भएका छन् ति सबै प्रेमको कारण भएका छन् रुद्रमा पनि प्रेमका लागि द्वन्द हुन्छ’ निखिलले बताए ।
