सेलिब्रेटी नेपाल काठमाडौँ
नेपाली चलचित्र क्षेत्रमा लागेर नाम र दाम कमाउने उधेस्यका साथ थुप्रै युवा युवती यस क्षेत्रमा प्रवेश गर्दछन । कति सफल बनेर आफ्नो उदेश्य पुरा गर्छन भने कति पयले बिचमै क्षेत्र छाडेर पलायन हुने गर्छन । संखुवासभामा जन्मिएर धरानमा बस्दै आएकी रेखा फागो चलचित्र तारेभिर मार्फत रजतपटमा प्रवेश गरेकी छन्।
असार दुइ गते बाट सार्बजनिक प्रदर्शनीमा आउने चलचित्र तारेभिर नारि सम्बेदनामा बनेको चलचित्र हो । यस चलचित्रमा आफुले सकेको मेहनतका साथ राम्रो काम गरेको बताउने रेखाले दर्जन भन्दा बढी म्युजिक भिडियोमा अभिनय गरि सकेकी छिन् । चलचित्र तारेभिरको छायांकन गर्दाको सम्झना गर्दै उनि भन्छिन् “सुटिंगको समयमा म रोए पनि जाडो महिना थियो जिरीको चिसोमा चप्पल पनि नलगाई नाच्दा गार्हो भएको थियो ।” परिवार बाट राम्रो सपोर्ट पाएकी छु अझै मेहनत गरेर सफल बन्छु उनि भन्छिन ।
नायिका नम्रता श्रेष्ठ बाट प्रभावित रेखा लाइ थियटरमा काम गर्ने ठुलो चाहना रहेको छ । नेपाली चलचित्रमा रहेका केहि गलत सोच राख्ने मान्छेका कारण यो क्षेत्र लाइ नै हेर्ने नजर नराम्रो बनि रहेको छ । आफु राम्रो भयो भने सबै राम्रो हुन्छ भन्ने उनको धारणा रहेको छ । अरु २-३ वटा चलचित्रको अफर आइ रहेको छ अब कथा हेरेर र निर्माण गर्ने टिम हेरेर अर्को चलचित्रमा काम गर्छु उनि भन्छिन । तारेभिर बाट राम्रो प्रतिक्रिया आउने आशामा रहेकी उनि तारेभिरले आफ्नो करियर उकस्नेमा उनि बिस्वस्त छिन ।
