सेलिब्रेटी नेपाल काठमाडौँ
पशुपति प्रसादको सफलता पछि टुकी आर्टसले दिपेन्द्र के.खनाल प्रोडक्सन संगको सहकार्यमा निर्माण गरेको दोस्रो चलचित्र धनपति को ट्रेलर सार्बजनिक गरिएको छ । राजधानीमा एक कार्यक्रमको आयोजना गरि धनपतिको ट्रेलर सार्बजनिक गरिएको हो । राजनीतिक बिरासत बोकेको सनाकाजी उर्फ धनपति द्वन्दको चपेटामा परि पुर्बी तराई बाट राजधानी आएर बसेको छ । गर्जो टार्नका लागि सानो रेस्टुरेन्ट मा काम गरि रहेको हुन्छ यस संगै उसका जीवनमा घटेका अनेक घटना लाइ चलचित्रको पर्दामा उतारिएको छ ।
खगेन्द्र लामिछाने,सुरक्षा पन्त,आशान्त शर्मा,हरिहर शर्मा,मनिष निरौला बाल कलाकार सुरभी बर्तौलाको मुख्य अभिनय रहेको छ । खगेन्द्र लामिछानेको लेखन रहेको चलचित्र धनपतिका निर्माता रोजिना सिटौला हुन् । चलचित्रलाई निर्देशक स्वयमले छायांकन गरेका हुन् भने दिर्घ खड्काको रहेको छ । टलक जंग भर्सेज टुल्के मा अभिनय गरे पश्चात टुल्के र पशुपति प्रसाद पछि पशुपति प्रसाद भनेर चिनियका खगेन्द्रको यस चलचित्र रिलिज पश्चात धनपति भनेर चिनिने चाहना रहेको छ ।
