सेलिब्रेटी नेपाल काठमाडौँ
चलचित्र ‘डायरी’को ट्रेलर रिलिज भएको छ । राजधानीमा आयोजना गरिएको पत्रकार सम्मेलनमा चलचित्रको ट्रेलर सार्वजनिक गरिएको हो । चलचित्रमा नायिका रेखा थापा, छुल्ठिम गुरुङ र सन्नी सिंहको मुख्य भूमिका छ ।
चलचित्रको ट्रेलर मा नायिका रेखा थापालाई पूर्ण रुपमा खलपात्रको रुपमा देखाइएको छ, जुन दर्शकका लागि नयाँ स्वाद हुनसक्छ । ‘नोभेम्बर रेन’की ‘डल्ली’ छुल्ठिम यसमा पनि चुलबुले यूवतीको रुपमा देखिएकी छिन् ।
छुल्ठिम इन्टरटेनमेन्ट र एयर क्रु प्रोडक्सनले संयुक्त रुपमा निर्माण रहेको यस चलचित्रलाई ‘आवरण’ चलचित्र मार्फत निर्माताको रुपमा रजतपटमा प्रवेश गरेका अनिल योन्जनले निर्देशन गरेका छन् ।
चलचित्रमा दीनेश डीसी, विनोद पौडेल लगायतका कलाकारको पनि अभिनय छ । चलचित्रमा छेतेन गुरुङको कथा, शिवराम श्रेष्ठको छायांकन, प्रविन श्रेष्ठको सम्पादन छ । यो चलचित्र जेठ ५ गतेबाट रिलिज हुनेछ ।
