सेलिब्रेटी नेपाल काठमाडौँ
कपिल शर्मा र सुनिल ग्रोवरका फ्यानका लागि खुसीको खबर छ । एएनआईलाई उद्धृत गर्दै आजतकले जनाएअनुसार कपिलसँग झगडा भए पनि सुनिल (मशहुर गुलाटी)ले कपिलको शो छोडेर जानेछैनन् । आगामी एपिसोडमा उनले डा. मशहुर गुलाटीको रूपमा दर्शकलाई हँसाउनेछन् ।
सुनिलमात्र होइन, चन्दन प्रभाकर र अली असगर पनि शोमा फर्कनेछन् । केही दिनपहिले फ्लाइटमा भएको झगडापछि सुनिलले सुटिङ गर्न इन्कार गरिदिएका थिए । सुनिलसँगै कपिलको नराम्रो व्यवहारले गर्दा अली असगर, चन्दन प्रभाकर र सुगन्धा मिश्राले पनि कपिलको साथ छोडिदिएका थिए ।
शोमा टिमको संख्या अपुग भएपछि कपिलले तापसी पन्नू र मनोज वाजपेयी गेष्ट भएको एपिसोडका लागि राजु श्रीवास्तव, सुनिल पाल र एहसान कुरैशीलाई बोलाएका थिए ।
