तीज गीतमा सरिता संगै सुन्दरी मोडल क्रिस्टिनाको छम छमी

सेलिब्रेटी नेपाल काठमाडौँ

तीजका गीतका भिडियो बजारमा आउने क्रम बढी नै रहेको छ । गायिका सरिता प्रजापतिको तीजको गीत सार्वजनिक भएको छ । उनले आफ्नै शब्द, सँगीतमा ‘बारुले कम्मर’ बोलको तीजको डान्सिङ नम्बर सार्वजनिक गरेकी हुन । केहि दिनअघि सार्वजनिक यो गीतले बजारमा चर्चा पाइसकेको छ । माहोल र श्रोता दर्शकको चाहना अनुसार तीजको गीत गाएको बताउदै उनले गीतबाट उत्साहजनक प्रतिक्रिया पाएको बताइन् ।

यसअघि सम्झनालाई जाले रुमाल, ढाकाटोपी जस्ता चर्चित गीत गाइसकेकी उनलाई तीजको यो गीतले थप उचाई दिएको छ । आजकालको तीजमा दर्शकले नाच्ने गीतकै खोजी गर्ने भएकाले बेदनाको भन्दा नाच्न मिल्ने डान्सिङ गीत ल्याएको उनको भनाई छ । गीतको भिडियोमा उनी आफै पनि छमछमि नाचेकी छिन । भिडियोलाइ छायांकन ज्ञानेन्द्र शर्माले गरेका हुन् भने सम्पादन टेकेन्द्र शाहले गरेका हुन् सन्तोष राजबाहकको निर्देशन रहेको भिडियोमा मोडल क्रिस्टिना थापाकोपनि अभिनय रहेको छ ।