काठमाडौं । वैशाख १२ गते प्रदर्शन हुने चलचित्र ‘खेल’को ट्रेलर सार्वजनिक भएको छ। ट्रेलरमा सुरक्षा पन्त, मोनिका थापा, हेना नगरकोटी, निकिता आचार्य, समापिका गौतम, मिथिला शर्मा, सरिता गिरी, र भोलाराज सापकोटाको अभिनय देख्न सकिन्छ।
चलचित्रमा शिक्षकले विद्यार्थीलाई काठमाडौंको इतिहास पढाएको दृश्य, अन्धविश्वास, रोगको प्रकोप, कालो जादु, मित्रता र असमझदारीका विषय समेटिएका छन्। ट्रेलरमा पुराना कलाकृति, रहस्यमय घटनाहरू, र अस्वाभाविक व्यवहारले रहस्य र डरको संकेत दिन्छ।
अनुराग प्रधान र आस्था श्रेष्ठको निर्देशनमा तयार भएको चलचित्र सिरुपाते कट्स प्रालिको ब्यानरमा निर्माण गरिएको हो। कथा आशिषराज महर्जनले लेखेका हुन् भने पटकथा अभितेन्द्र र अनुराग प्रधानले तयार पारेका छन्। चलचित्रको वितरण डिसिएनले गर्नेछ।
