काठमाडौँ। भदौको २९ गतेबाट प्रदर्शनमा आउने तयारीमा रहेको चलचित्र ‘नाङ्गो गाउँ’को ट्रेलर सार्वजनिक गरिएको छ । दिपेन्द्र लामाको लेखन तथा निर्देशनमा तयार भएको चलचित्रमा राजनीतिक परिवेशलाई रोचक तरिकाले देखाइएको छ। क्लक वर्क क्रियशनको प्रस्तुतिमा तयार भएको चलचित्रमा जय श्रेष्ठको लगानी छ । हिमाल शर्माको प्रस्तुतिमा तयार भएको चलचित्रका कार्यकारी निर्माता रामहरि श्रेष्ठ हुन् ।
चलचित्रमा आलोक शुक्लाको छायांकन, बनिष शाहको सम्पादन, एस डी योगी र दीपक शर्माको संगीत, रामजी लामिछानेको कोरियोग्राफी छ । यो फिल्ममा दयाहाङ राई, शिशिर वाङ्देल, कर्मा, मिरुना मगर, साम्राज्ञी राज्यलक्ष्मी शाह, वुद्दि तामाङ, रविन्द्र झा, विशाल पहारी, राज थापा, कमलमणि नेपाल, अंकित खड्का, निमा पाण्डे, पुष्कर गुरुङ लगायतका कलाकारको अभिनय छ ।
