काठमाडौँ। चलचित्र ‘हिँड्दा हिँड्दै’ भदौ १ गते प्रदर्शनमा आउने भएको छ । मिलन आले निर्देशीत तथा सुशील पंगेनी लिखित र निर्मित चलचित्रको आज फर्स्टलुक पोस्टर सँगै प्रदर्शन मिति सार्वजनिक गरिएको हो । बिमल श्रेष्ठको प्रस्तुति तथा राज लामा निर्माता रहेको चलचित्रमा आकाश श्रेष्ठ,रेखा शाह,सलोन बस्नेत, सानिया खान लगायतका कलाकारले अभिनय गरेका छन ।
‘हिड्दा हिड्दै’ को निर्मातामा प्रमोदकुमार तामाङ,राजकुमार थिङ र पारस गुरुङ रहेका छन् । महादेव शाह सहनिर्माता रहेको चलचित्रमा सुमन तण्डुकारको छायांकन, बसन्त सापकोटा र किरण माइकलको संगीत,कबिराज गहतराजको कोरियोग्राफी, देव महर्जनको द्धन्द्ध निर्देशन रहेको चलचित्रमा मुख्य सहायक निर्देशकमा यम भण्डारी र रामकुमार थिङ छन् । चलचित्रमा युवापुस्तामा मौलाइरहेको प्रेम र समर्पणको कथा प्रस्तुत गरिएको छ । चलचित्रको वितरण आरआर फिल्म्सले जिम्मा लिएको छ।
