काठमाडौं । गायक धर्मेन्द्र सेवानले नयाँ गीत सार्वजनिक गरेका छन् । उनको स्वरमा ‘एैयो रैयो सैयो’ बोलको गीत युट्युबमा सार्वजनिक भएको हो । गीतमा धनमाया परियारको शब्द तथा संगीत रहेको छ । रमाईलो झ्याऊरे गीतको भिडियोलाई पनि रमाईलो खालको बनाईएको छ । विजेश पौडेलको निर्देशनमा तयार भिडियोमा धर्मेन्द्र स्वयंम फिचर्ड छन् । उनलाई अभिनेत्री नम्रता सापकोटले अभिनयमा साथ दिएकी छन् । भिडियोमा धर्मेन्द्रलाई सहयोगको नाममा दृष्टीविहिनको नाटक गरेको देखाईएको छ ।
जानुका थापा मगर, सुभम भुजेल, पबन बस्नेत काजी लगायतको समेत भिडियोमा अभिनय छ ।
सुभम भुजेलको कोरियोग्राफी रहेको भिडियोमा, सञ्जित श्रेष्ठको छायाँकन, निर्देशक पौडेलकै सम्पादन रहेको छ । भिडियो गायक ‘धर्मेन्द्र सेवान’कै युट्युब च्यानलमार्फत सार्वजनिक गरिएको हो । गीतले श्रोता दर्शकको मन जित्नेमा गायक धर्मेन्द्र विश्वस्त देखिएका छन् ।
