काठमाडौं । गीतकार डिपी खनाल र गायिका ममता गुरुङको स्वरमा ‘मायाको मौसम’ बोलको प्रेमगीत सार्वजनिक गरिएको छ । भिडियोका मोडल सुधिर श्रेष्ठको जन्मदिन पारेर बुधबार गीत सार्वजनिक गरिएको हो ।
सदु थापा खनालको शब्द, शंकर थापा ‘स्माइल’को संगीतमा डिपी र ममताले स्वर दिएका हुन् । डिपीकी जीवनसंगिनी सदुको शब्द रचनामा यो पहिलो गीत हो ।
मुनालशिशिर कोइरालाको निर्देशनमा तयार भिडियोमा सुधिर र जुना कार्कीले अभिनय गरेका छन् । इलाम र झापाका मनोरम दृश्यहरुमा सुजन श्रेष्ठले भिडियोको छायाँकन गरेका हुन् । दिन्शन शाहले भिडियोको सम्पादन एवं कलर गरेका हुन् । मोडल सुधिरको युट्युब च्यानलमार्फत भिडियो सार्वजनिक गरिएको हो ।
