सेलिब्रेटी नेपाल
काठमाडौं: कोरोना भाइरसका कारण यतिबेला कलाकारहरु सेल्फ क्वारेन्टाइनमा बसेका छन् । कोरोनाले समाजमा एक खाले त्रास फैलाएको छ । यसैबीच सत्य र स्वरुपको नयाँ म्युजिक भिडियो सार्वजनिक गरिएको छ । ‘सुनौलो बिहानी फर्किनेछ’ बोलको गीतमा सत्यराज आचार्य र स्वरुपरा आचार्यसँगै प्रताप दास र प्रविशा अधिकारीको पनि स्वर सुन्न सकिन्छ ।
गीतमा समस्यामा परेका नेपाली जस्तोसुकै कठिन परिस्थितिमा पनि अगाडि बढ्न सक्ने र छिटै सुनौलो बिहानी फर्किने भाव प्रस्तुत गरिएको छ । गीतको भिडियोमा प्रदीप खड्का, पल शाह, क्रिष्टिना गुरुङ, प्रविशा, प्रदास दास, सन्तोष सेन, अशोक शेरचन, सत्यराज आचार्य र स्वरुपराज आचार्यलाई फिचर्ड गरिएको छ ।
यस्तै गीतमा एलिस कार्की र प्रमोद निर्वानको संगीत छ भने अशोक शेचरनका शब्द छन् । शैलेन्द्रमान प्रधानले एरेन्ज गरेको गीतको भिडियोलाई नितिन चन्दले निर्देशन गरेका हुन् ।
