सेलिब्रेटी नेपाल
काठमाडौँ: सौगात मल्ल स्टारर चलचित्र ‘माछा माछा’को गीत सार्बजनिक गरिएको छ । राजधानी काठमाडौँमा एक कार्यक्रमको आयोजना गर्दै चलचित्रको आइटम गीत सार्बजनिक गरिएको हो । ‘म्याडम म्याडम’ बोलको सार्बजनिक गीतमा स्वर तथा संगीत अनुपम शर्माको छ । तीन जना गाउँले युवकहरुले शहरिया जीवन स्थापित गर्न लागिपरेको संघर्षको कथामा सौगातसँगै विजय बराल र अनोज पाण्डे मुख्य भूमिकामा छन् । सार्बजनिक गीतमा सौगात मल्लको साथमा सृस्टी श्रेष्ठ फिचर्ड छिन् ।
सुनिल गुरुङको लेखन तथा निर्देशन रहेको चलचित्रमा माओत्से गुरुङ, प्रविण खतिवडा, सरिता गिरी, भोलाराज सापकोटा, पुस्कर गुरुङ, कमलमणि नेपाल, धुर्व कोइराला, बसन्त भट्टलगायतका कलाकारको अभिनय छ । रामबाबु गुरुङ र दयाहाङ राईको लगानी रहेको चलचित्रमा शिवराम श्रेष्ठको छायाँकन, अनुपम शर्माको संगीत, निमेष श्रेष्ठको सम्पादन र प्रविण सिंहको कोरियोग्राफी छ ।
सिनेमा आर्टको प्रस्तुतिमा नौमती इन्टरटेनमेन्टले चलचित्र निर्माणमा सहकार्य गरेको छ । मणिराम पोखरेलको कार्यकारी निर्माण रहेको चलचित्रमा ओम चन्द रौनियार र अर्जुन कार्कीको सह-लगानी छ । चलचित्र मङ्सिर २० गते बाट सार्बजनिक प्रदर्शनमा छ ।
