सेलिब्रेटी नेपाल
काठमाडौँ: गायिका सिता केसीको तीज गीत सार्वजनिक गरिएको छ । ‘मलाई अमेरिका यहि मलाई जापान पनि यहि’ बोलको गीतबाट पनि नेपाली सांगीतिक आकासमा छुट्टै पहिचान बनाएकी गायिका सिता केसीको यस बर्षको तीज गीत ‘सैं नाच्यो’ दर्शकश्रोता माझ सार्वजनिक गरिएको छ । गीतमा गायिका केसीलाई गायक कृष्ण केसीले साथ दिएका छन् प्रयास मगरको शब्दमा कृष्ण केसीको संगीत रहेको छ र यस गीतमा एरेन्ज पनि कृष्ण केसीकै रहेको छ।
मौसम हिमालीले कोरियोग्राफी तथा निर्देशन गरेको यस भिडियोलाई करण चैसिरले खिचेका छन् भने सम्पादन प्रविन भट्टको रहेको छ। भिडियोलाई सिता केसीको अफिसल युटुब च्यानल मार्फत सार्वजनिक गरिएको छ। सार्बजनिक ‘सैं नाच्यो’ मा गायिका सिता केसी कलाकार लोमस शर्मा र मिनुज राना मगरको अभिनय रहेको छ।
