सेलिब्रेटी नेपाल काठमाडौँ
आउदो शुक्रबार देखि चलचित्र ‘हुर्रे’ प्रदर्शनमा आउदैछ । ‘हुर्रे’ भन्ने वितिकै यसले जितलाई बुझाउछ तर चलचित्रमा कसले कसलाई जित्छ , यो भने चलचित्र नै हेर्नु पर्ने बताउछन , यसका कलाकार अंकित खड्का । ‘चलचित्र त जितकै कथा हो तर कसले जित्छ , यो थाहा पाउन चलचित्र नै हेर्नु पर्छ’ उनि थप्छन ‘चलचित्र मनोरन्जनात्मक बनेको ,चलचित्र हेर्ने दर्शकलाई निराश बनाउदैन ।’
चलचित्रको सार्वजनिक गीतसंगीत तथा ट्रेलरले चर्चा पाईरहदा चलचित्र चल्नेमा निर्माण युनिट विश्वत छ । यस चलचित्रमा अघिल्ला भन्दा केहि भिन्न लुक्समा देखिएका अनुप विक्रम शाही पनि आशाबादी रहेका छन् । ‘चलचित्रमा म भिन्न रुपमा प्रस्तुत छु , यसको प्रतिक्रिया सार्वजनिक ट्रेलरले पनि दिएको छ’ अनुप भन्छन ‘ चलचित्रमा मेरो क्यारेक्टरले ट्वीस्ट ल्याउछ ।’
कमेडी जनरको चलचित्रमा लेखन तथा निर्देशन यम थापाको रहेको छ । दावा शेर्पा ‘शेट्टी’ को प्रस्तुतिमा तयार भएको फिल्म ‘हुर्रे’ मा सोनाम लामा ‘ब्लोन’ र छिरिङ्ग दोर्जे लामाको लगानी रहेको चलचित्रमा सह निर्माताको रुपमा अरुण सेढाई रहेका छन् ।
