सेलिब्रेटी नेपाल काठमाडौँ
पौष १४ गते बाट प्रदर्शनमा आउने चलचित्र ‘ह्याप्पी न्यू ईयर’ को नयाँ गीत सार्बजनिक गरिएको छ । निर्माण युनिटले राजधानीमा पत्रकार सम्मेलनको आयोजना गरेर मायाले बोलको स्याड भर्सन सार्बजनिक गरेको हो । सनुप पौडेलले गायको गीतमा किरण माइकलको शब्द तथा संगीत रहेको छ।
त्रिकोणात्मक प्रेम कथालाई नयाँ वर्षमा घटेको एक घटनासँग मिलाएर कथा बनाइएको चलचित्रमा कुशल थापा, अष्ट्रेलियामै बस्दै आएका पुकार गौतम, सन्ध्या केसी लगायतको मुख्य भुमिकामा अभिनय रहेको छ । ९० लाख निर्माण लागत बताइएको चलचित्र अष्ट्रेलियाको विभिन्न मनोरम स्थानमा छायाँकन गरिएको हो । देवकुमार श्रेष्ठले निर्देशन गरेको यो चलचित्रका निर्माता रति थापा श्रेष्ठ हुन् ।
